Urrasachd
‘S e an fhèis chultarach Ghàidhlig as motha ann an Alba a th’ anns a’ Mhòd Nàiseanta Rìoghail agus bheir seo cothroman do urrasairean ‘s luchd taice am bathair ‘s na seirbheisean aca a bhrosnachadh fhad ‘s chuireas iad taic ri dualchas chultarach Ghàidhlig na h-Alba.
Tha an taic chunbhalach a gheibhear bho cheàrnaidhean poballach mar na h-ùghdarrasan ionadail sna h-Eileanan Siar, Earraghaidheal is Bhòid, a’ Ghaidhealtachd, Peairt ‘s Ceann Rois agus Companaidhean Iomairtean Ionadail sàr chudromach do leasachadh a’ Mhòid san àm ri teachd mar Iomairt na Gàidhealtachd 's nan Eilean. Tha An Comunn Gàidhealach taingeil airson an taic a tha tighinn bho Comhairle na Gàidhealtachd airson Mòd 2010 a theid a chumail ann an Gallaibh eadar an 8mh agus 16mh den Dàmhair.
Tha dlùth dhàimh air a bhith aig Caledonian Mhic a’ Bhriuthainn o chionn fhada dhan Ghaidhealtachd, na h-Eilean agus taobh siar na h-Alba mar sheirbheis aiseagan cudromach, agus tha iad air a bhith nam prìomh urrasairean a’ Mhòid Nàiseanta Rìoghail bhon a bha e sa Leargaidh Ghallda ann an 2002. Tha taic phrìobhaideach eile a’ a’ tighinn bhon Phòsta Rìoghail.
Tha Banca Rìoghail na h-Alba cuideachd nan companaidh taice stèidhichte ‘s tha na prìomh bhuidhnean Ghàidhlig eile a leithid Bòrd na Gàidhlig, agus Comhairle nan Leabhraichean cuideachd a’ toirt taic chudromach dhan Mhòd.
