Naidheachdan ACG

Taisbeanadh na Gàidhlig

Taisbeanadh na Gàidhlig agus Gallaibh

Colaiste na Gàidhealtachd a Tuath, Inbhir Theòrsa

11 – 15 Dàmhair 2010.

Am-bliadhna, tha an Taisbeanadh gu bhith stèidhichte anns an ‘Dome’ ann an Colaiste na Gàidhealtachd a Tuath, agus tha sinn air cuireadh a thoirt do bhuidhnean à Gallaibh a thighinn airson pàirt a ghabhail san Taisbeanadh gus blas de feadhainn de na seirbheisean aca a thoirt seachad.

Thigibh gu Taisbeanadh na Gàidhlig airson coinneachadh ri buidhnean Gàidhlig agus buidhnean Ionadail agus gheibhear cothrom bruidhinn riutha mu an obair a tha iad a’ dèanamh. Bidh cothrom ann cuideachd cupan tì no cofaidh a cheannachd ann an Café @ Morven!

Tha am Mòd Nàiseanta Rìoghail a’ toirt fìor dheagh chothrom do bhuidhnean sàsaichte ann an cànan na Gàidhlig am bathair, a’ bhuidheann no na seirbheisean Gàidhlig aca a bhrosnachadh do luchd-frithealaidh agus farpaisich a’ Mhòid.

Bidh am bathair a thèid a thaisbeanadh gu cunbhalach aig a’ Mhòd a’ gabhail a-staigh leabhraichean, clàran, ealain, dealbhan ‘s ceàird. Gu h-àbhaisteach, bidh taisbeanaidhean aig Comhairle nan Leabhraichean, MG Alba, Sabhal Mòr Ostaig agus Pàrlamaid na h-Alba.

Tha sinn toilichte gu bheil a leithid ri Tartan Bodices, DM Couture, Mackay Country Project, Felt Creations, Mey Selections & Dualchas Nàdair na h-Alba am-measg feadhainn de na buidhnean a tha gu bhith an làthair aig an taisbeanadh am-bliadhna.

Tha sinn toilichte gu bheil Iomairt na Gàidhealtachd ‘snan Eileanan gu bhith còmhla rinn gus innse mun obair a tha iad a’ dèanamh anns an sgìre seo agus an taic a tha iad a’ toirt dhan Ghàidhlig.

Am-bliadhna tha sinn a’ comharrachadh agus a’ cur fàilte air cliù na h-Alba mar àite a tha loma-làn de dheagh bhiadh is deoch agus tha sinn air cuireadh a thoirt do bhuidhnean ionadail a thighinn còmhla rinn gus na seirbheisean aca a thabhann.

Ma tha ùidh aig a’ chompanaidh no am buidheann agaibh barrachd a chluinntinn mun taisbeanadh seo san taisbeanadh seo cuiribh fios gu:

Alison Henderson
Fòn: 07552 167801
Post-d - alison@mypinkiepromise.co.uk .