Naidheachdan a’ Mhòid
Cèilidh Mòd 2011
Leis gu bheil nas lugha na bliadhna gus an tèid am Mòd Nàiseanta Rìoghail a chumail anns na h-Eileanan an Iar, tha Comataidh Ionadail Mòd nan Eilean Siar 2011 air cèilidh agus dannsa a chur air dòigh ann an taigh-òsta a’ Chaladh air Disathairne 13 Samhain 2010.
Tòisichidh an cèilidh aig 7.30f agus tha a h-uile coltas ann gur e deagh oidhche a bhios ann! A’ dèanamh an slighe tarsaing a’ Chuan Sgìth tha còisir ùr, Còisir Ghàidhlig an Iar Thuath, a chaidh a stèidheachadh do Bhuill a tha a’ fuireach ann an Ulapul agus an sgìre a tha ga chuairteachadh agus a tha fo stiùir Lisa NicDhòmhnaill.
Cluinnear cuideachd, Mairead NicLaomain a bhuannaich Bonn òr an t-Seann Nòs 2010 agus ‘s e deagh chothrom a tha seo do mhuinntir Leòdhais Mairead a cluinntinn on a thill i air ais bho bhith aig Mòd ann an Gallaibh. Na cuideachd bidh Daibhidh MacIllFhinnein, Annabel agus Màiri NicIllFhinnein, Dòmhnall N Moireasdain, Mnàthan Lacasdail agus Còisir Sgìre a’ Bhac, aig an robh Mòd air leth soirbheachail air a’ bhliadhna seo.
A’ dèanamh a shlighe tarsaing a’ Chlisham le chòmhlan bi Iain Aonghas MacLeòid a chluicheas aig an dannsa.
Gheibhear tiogaidean bho Oifis a’ Chomuinn agus cosgaidh iad còig notaichean, neo faodaidh sibh pàigheadh aig an doras. Ma tha tuilleadh fiosrachaidh a dhìth oirbh cuiribh fios gu Oifis a’ Chomuinn air 01851 703487.
Published: 02nd Nov 2010
« Back to Mod News List
